მდინარე აბაშის დინოზავრის კანიონი

დინოზავრის კანიონი

მდინარე აბაშას დინოზავრის კანიონი

მდინარე აბაშის დინოზავრის კანიონი

აბაშის დინოზავრის კანიონი, 50-70 მეტრი სიღრმის ვიწრო კანიონია, რომელიც 2400 მეტრზე ვრცელდება. ეს არის მეზოზური ერის ზედაცარცული პრიოდის ახალი ხეობა, სადაც შემონახულია 75 მილიონი წლის წინ დედამიწაზე მცხოვრები ცხოველების გაქვავებული ნაშთები და ნატერფალები. დინოზავრის ნატერფალები ერთეული სახითაა წარმოდგენილი - მხოლოდ ერთ ადგილზეა შემორჩენილი ერთმანეთისგან ტოლი მანძილით დაშორებული სამი ნაკვალევის მწკრივი. ნატერფალების 90% ეკუთვნის პატარა ზომის, ბალახისმჭამელ დინოზავრებს, დანარჩენი კი მტაცებელ დინოზავრებს.

5-7 მეტრის სიგანის ვიწრო კანიონში ორ ადგილზეა შემორჩენილი კირქვის ბუნებრივი ხიდი. გარდა ამისა, კანიონში წარმოიქმნება 12-15 მეტრის სიმაღლის ვარდნის მცირე ჩანჩქერები.

კანიონის კედლებსა და მდინარის კალაპოტში, ნაპოვნია სხვადასხვა ზომის ჩანართი. ერთ-ერთ ჩანართი, სავარაუდოდ, ზღვის გადაშენებულ ქვეწარმავალს - მეზოზავრს ეკუთვნის. ეს არის მისი ხერხემლის მალა.

კანიონის ერთი მონაკვეთი, განსაკუთრებული სილამაზით გამოირჩევა - ეს არის ოფუცხოლე, თავად დადიანთა საბანაოს სახელით ცნობილი. იქვეა კირქვის დიდი კვადრატებით აშენებული კიბე.